خايف عليك..وانته مني تخاف؟؟

انت اضلمت وانت علييه اقسيت
وانت الورثت بييه جمر اشواك

تدريني احبك تدريني هايم بيك
وتدريني انفجر لوشفت عيناك

اذوبن واشتعل لو مسني جفيك
واغفه بحلم وبروحي الكــــاك

احترك وابرد واحتفل خجلان
وادنك مستحي لو مرني طرواك

واصيرن خبر تتهامسه الناس
لو صدفت علي اتلاكه وياك

صح انه ازعلت وكليبي مجروح
بس صعبه عليي تكلي اتحداك

خايف عليك وانت مني تخاف
مو صفيت نيتي وصحت اهواك

وانت التحب فلان وتعشك فلان
وبكلبك حبيبي شكثر عشاك

طفل بعدك ينراد اعلمك زين
وهم حضك يخايب يمي ذباك

نجوم الضهر صدك راح اراويك
ولو صعبه اشوفن تبجي عيناك

ما ريدن تحدي كلي انت شبيك
راجع ضميرك واحسب اخطاك

تره صدكني انت وياي غلطان
لا انه الضلمتك ولا كلبي عاداك

» الله عليك يا عراق
» الدليمي يحييكم رمضان كريم على الجميع