[size=16]اذا احد من عائلتك ديتفرج تلفزيون وفاتح الستلايت ومندمج ويه المسلسله
انت روح طلع الريمونت الاحتياطي (اكيد اكو ريمونت احتياطي ويه كل ستلايت)وحط بيه باتريات
وروح اختل وره الكرسي او وره البرده او الباب المهم مكان مو بعيد عن التلفزيون
بعدين كل شويه طلع ايدك واكلب التلفزيون على قناة الجزيره
ولتخلي كلبك يحن لمن تسمعه يلطم ويصيح ويفر راسه ميعرف منو اللي ديكلبه انت ظل كلب لحد متخلص المسلسله.
2 روح للحمام فرغ علبة الشامبو وحط بمكانهه ديتول.
3 لمن تروح عزيمه وتاكل وتخلص وتروح تغسل ايدك افتح الحنفيه اقوى شي وعال مي الحار
وانتظره لحد ميجي المي الحار كلش
وبعدين اطلع بلا متسد البوري وخلي نشوف اللي يجي وراك يغسل ايده شراح يصير بيه
4 اذا اجاكم للبيت احد عنده ربو لو حساسيه اخذ البف باف ورش البيت كله.
5 اذا اخوك عزم اصدقائه وراح سوالهم جاي انت روح عالكتلي مال الجاي وحط بيه شطه
وانتظر شويه وهسه تشوفهم كلهم يسوون سباق اولومبي للحمام
6 اذا عندك امتحان وكعدت تغش من صاحبك واجه عليكم المدرس كله استاذ هذا يغش من عندي
واذا كدرت تشمر برشومه عليه يصير احلى شي.
7 من تشارك بالمنتدى وتضيف مشاركات وردود ، ضيفهن بلون الأصفر أو نفس لوون خلفية المنتدى(بحيث كل شي ميبين .
8 الخباثه هاااي كلش مهمه ،إذا جنت خبيث مو خبيثه ، وكاعد تحجي ويه وحده أبنيه بالجات وحاطه صورتها كوللها أنتي محلووه
ان شاء الله تعجبكم
[/size]
الإثنين سبتمبر 07, 2009 3:42 am
